तुझं कौमार्य शाश्वत आहे
तुझं कौमार्य शाश्वत आहे ! वयाची तिशी पार झाली तरी स्वेताचं लग्न काही जुळून येत नव्हते, त्यामुळे तिची आई सरला अस्वस्थ राहू लागली होती. पोरीचं लग्न का होत नाही याचं कारण तिला काही उमगतच नव्हतं. स्वेताचं घर माझ्या अगदी घरासमोर होतं. ती माझ्या पेक्षा वयानं 5 वर्ष मोठी असल्याने मी अगदी तिच्या अंगा खांद्यावर खेळलोय असं म्हणायला काही हरकत नव्हती. माझे वडील सैन्यात नोकरीला असल्यानं घरातली सगळी कामं आईलाच करावी लागायची. आणि स्वेता तिच्या आईच्या उदरात असतांनाच तिच्या वडिलांचा अपघाती मृत्यू झाल्याने तिच्या घरातील कामाची जबाबदारी तिच्या आईवर येऊन पडली होती. साधारणतः माझी आई आणि तिची आई पती विरह या नात्याने समदुखी असल्यानं दोघींमध्ये एक वेगळाच जिव्हाळा निर्माण झाला होता. तिच्या आई वडिलांच्या लग्नानंतर लगेचच तिच्या वडिलांचा मृत्यू झाला होता. आणि माझ्या आई वडिलांना लग्नाच्या पाच वर्षानंतर माझ्या रुपात पुत्र रत्न प्राप्त झाले होते. आमचे आई वडील जरी समवयस्क असले ...